როგორ გავაუმჯობესოთ სამზარეულო? ხერხები, რომლებიც 2018 წელს იქნება აქტუალური.

მოწყობა და გალამაზება სახლის ყოველ ნაწილს სჭირდება, მათ შორის სამზარეულოს. მას სპეციფიური დიზაინი სჭირდება, ხოლო დღეს OXOTV მის სხვადასხვა ვარიაციებს წარმოგიდგენთ. ისინი 2018 წელს იქნება აქტუალური.

ფერთა გამა.



ფერების სიჭარბე ადამიანს მუდამ კარგ ხასიათზე აყენებს და მას განწყობას ყველა ვარიანტში უმაღლებს ხოლმე, შესაბამისად ოთახის სხვადასხვა ტონებში შეღებვა არაჩვეულებრივი იდეაა.



2018 წელს განსაკუთრებულად მოთხოვნადი მუქი, ღრმა შეფერილობები იქნება, ასევე მშვიდი მწვანე და ნატურალური საღებავები. მუქი ლურჯი და ნარინფისფერი თქვენ არ უნდა დაივიწყოთ. სხვათაშორის კარგი იქნება, თუ აქცენტს თაფლისფერზე, შოკოლადისფერზე, თუ საფირონისფერზე გააკეთებთ. გირჩევთ ამ ტონების ჭურჭელი შეიძინოთ.



ზოგიერთი დიზაინერი უპირატესობას მშვიდს ფერებს ანიჭებს. მათი აზრით, სამზარეულოში ჰარმონიული ატმოსფერო უნდა სუფევდეს, რასაც ბრაზილიური თეთრი მუხა იდეალურად ახერხებს.





კარადები.



ახლა აქტუალური კომპაქტური კარადები გახლავთ, რომლებიც გემოვნებიანადაა შექმნილი და არც სამზარეულოს ტვირთავს.



უამრავი დიზაინერი ფიქრობს, რომ სახლის ამ ნაწილში სტილის შეგრძნება უნდა იყოს, ამიტომ მყვიარალა ფერების მაგივრად ადამიანებს სახლებში მეტი მუქი, ერთიანი ტონების ქონისკენ უბიძგებს.

2018 წელს ინტერიერი მთლიანად იცვლის იერსახეს. პროფესიონალებმა გადაწყვიტეს, რომ ავეჯი და ნიჟარა გააერთიანონ, თან ეს ყველაფერი ძალიან გემოვნებით, სწორად გააკეთონ. არ ღირს სამზარეულოს ათასგვარი წვრილმანით გადატვირთვა. დაიმახსოვრეთ, რომ დიდებულება მინიმალიზმშია.